"تصنيف البشر"
1-النوع الاول:
ودول الناس الناجحين، إلي عارفين هما عاوزين أي، محددين الخطة من الألف للياء، دارسين وعارفين الأسباب والنتيجة وأنا هستفاد أي، النوع دا عنده ثقة في نفسه جامد، مفيش حاجه تقدر تهد ثقته في نفسه، مبيهموش رأي الناس فيه، لأنه مش شايفهم أصلا، شخص إيجابي وعنده رؤية وبصيرة بكل شئ، والناس دي نادرين جداً، عارف هما مين هما؟ إلي الناس كلها بتهتف بنجاحهم، الناس دي عارفه قيمة الوقت، بالنسبالهم الدقيقة الواحدة بتفرق في نجاحة عشان كدا مبيضعيوش أي ثانية في حياتهم إلي ما يستفيدوا منها..
2-النوع التاني:
فدول منهم كتير، الشخص دا يا سيدي، عنده أحلام وطموحات وعنده خطط، لكن عيبه حاجه واحدة، أنه كلام علي الفاضي بنسمية أحنا (بق فعل مفيش) اه والله، يقلك أنا هعمل وهعمل، لكنه ما بيعملش حاجه خالص، نفسه ينجح ويحقق نفسه، لكنه خايف ياخد الخطوة دي، عاوز كل حاجه تحصل بسرعة، مبيمشيش تبع الخطة إلي رسمها، الشخص دا متردد، ميعرفش ياخد قرار في حياته إلي ما ياخد رأي 100مليون عشان يختار وفي الآخر مبيخترش، حيران تايهه ومش رأسي علي بر، وودل نسبة كبيرة وممكن تكون أنت واحد منهم ومش عارف، بيهمه جداً رأي الناس، ممكن يعيش أيام لا سنين وهو فاكر انتقاد الناس ليه، الركن دا مبيعمرش كتير...
3-النوع التالت:
دول بقا بتوع أكل ومرعا وقله صنعه، معندهمش أي هدف، عايشين بالبركة آه والله، تقوله ناوي على أي، إلي يجيبه ربنا، أنا معاك يا عم كلنا علي ربنا، بس شوفلك خطة هتمشي ازاي، الناس دي بتصحي من النوم تروح شغلها وترجع تآكل وتنام، لمؤاخدة دول ميفرقوش عن الحيوانات، آخرهم ناكل ونشرب ونام واهو أحنا عايشين، عمرهم ما فكروا، هم عايشين ليه، نفسهم يبقوا أي، شيفين نفسهم فين بعد عشر سنين، بيكرروا نفس اليوم والحياة روتين في ملل، الناس دي ملهمش لازمة، والمشكلة إن نسبتهم كبيرة جداً في المجتمع، وقتهم وعمرهم بيضيع من غير ما يتحركوا، قاعدين صامتين متابعين خلف الشاشات وبس، هي دي حياتهم......
الحل:
النوع الاول مش محتاج حل أصلا، دا أنت يا عم ناجح، والدنيا معاك زي العسل ومحدش قدك...
النوع التاني، أنت محتاج تشتغل علي نفسك، ميهمكش هما بيقولوا عليك أي، كلامهم ولا هيزودك ولا هياثر فيك، لو أثر فيك يبقي أكيد أنت جواك عيب، ومحتاج تتغير، أرسم خطة وأمشي عليها، استغل وقتك، لأن كل ثانيه بتعدي هتندم عليها بعدين صدقني، وأسعي ديما للاستمرارية، خد خطوة صغيرة وأبداها بالتدريج، أهم حاجه إنك متقفش وافتكر ديما (أحب الاعمال الي الله ادومها وإن قلت)، فاشتغل على نفسك أبدأ باهداف صغيرة وهي هتكبر بالتدريج، وأطلع السلم خطوة خطوة ومتبصش وراك، بالتوفيق يا بطل....
النوع التالت، أنت مشكلتك كبيرة، أنت محتاج تغير معتقداتك كلها، محتاج تسأل نفسك أنا عايش ليه، هدفي أي، أنا راضي عن نفسي وأنا كدا ولا لا، لو جابت على الاسئله دي بوضوح، أرجع للنوع التاني وأقرا النصايح وأنت هتعرف أول الطريق وبالتوفيق يا بطل...
مع تحيات /اوركيدا 🍁..